我係金三珣

導演：金尹哲
編劇：金道佑
開播日期：2005年6月1日
播放時間：星期三、四晚9時55分
電視台：MBC
主演：玄彬、金宣兒、鄭麗媛、李奎翰、Daniel Henney 、李有美
原著：池秀賢熱門小說《我的名字是金三珣》

 

內容簡介：

出生於小廚房家三女兒，她就是金三珣(金宣兒飾)。活到廿九歲，雖沒樣貌也沒家世，但卻有著開朗又頑強的個性，以及不管水深火熱勇往直前的精神。
三珣在巴黎傳統糕點學校考取了糕點技術師資格證，而且，更在巴黎遇上留學的帥哥閔賢宇(李奎翰飾)，與他談起戀愛來。

可是好景不常，賢宇遇上了張彩麗(李有美飾)，於是決定拋棄三珣，面對著男友的背叛，三珣卻同時被公司解雇了。深感無助的三珣在這時卻遇上了嚴真賢(玄彬飾)，真賢要求與她進行協定戀愛，為了錢三珣答應了。

真賢的舊女友劉熙真(鄭麗媛飾)治療好癌症後回到韓國，因為深愛熙真，Henry Kim(Daniel Henney飾)也藉著休假，以主治的身份一起回到韓國。真賢的舊女友回來了，加上賢宇又開始懷念三珣，五角戀正式展開……

 

 

我第1次睇呢套戲是在亞視, 當時我已經知道在韓國當地係高收視劇集, 但仍然對呢套戲無乜興趣. 但之後有1次我見tvb冇乜戲睇, 於是係好奇心之下睇呢套戲, 竟然一睇就鐘意咗啦! 之後欲罷不能, 仲叫人幫我買咗dvd番黎, 自己再欣賞!

我對呢套戲的印象係: 好攪笑! 因為講三珣年紀不少, 但竟然會認識一個年紀比她少的男生, 令一眾女生 (當然包括我啦) 也羨慕不已, 因為通常都好少機會發生, 令我地好有共鳴! 而且呢套戲越睇越正, 簡直想一次又一次翻睇呀! 不過略嫌戲中的蛋糕實在太少啦, 既然編劇寫三珣為一個蛋糕師傅, 又寫她成日整蛋糕, 應該show多d蛋糕款出黎嘛!

另外, 最最最最最最最好笑的係: 戲中有一幕玄彬同他媽媽搭升降機時, 他媽媽一邊罵, 一邊用手袋打玄彬的頭部! 呢一幕真係笑死我, 第1次睇時已經忍唔住笑, 到第2次睇更加笑到收唔到聲, 我成日係度諗: 究竟玄彬個頭痛唔痛呢? 應該都會好痛架啦, 因為他媽媽的手袋又大個又硬!!!