影完就準備登高上去首爾塔。
點知係呢個時間竟然開始落雪，仲要越落越大。
本身行上去首爾塔條路已經幾斜下，落住雪行真係好驚會 PK。
行到大概一半左右影的。
行番落去簡直一步一驚心，要慢慢一步一步行番落山。
以上的相及文字, 係轉載自某大網站的, 寫呢篇後記的係一個男仔, 自己一個人喺今年1月尾去咗韓國玩. 其實重點唔係呢度, 重點係呢個N首爾塔!!!
大家如果睇番之前的文章, 我係喺3月份去韓國玩, 其中一個行程就係黎呢度. 我當時寫因為強風關係, 纜車唔開, 一係就行番上去搭巴士走, 一係就行樓梯落番地面, 我當時同朋友揀咗行樓梯, 結果捉蟲啦!!!
其實當時我顧住行樓梯, 都冇影到相, 但皇天不負有心人, 終於喺某大網站, 無意中俾我搵到呢d相, 大家望番上面的相, 連呢個男仔都話d樓梯好斜下 (佢係由地面行上去, 我地就由山頂行落黎), 佢都話斜, 何況我當時係差唔多一口氣咁行呢?
雖然我地去時冇落雪, 但行落黎果時, 就真係好似呢個男仔咁形容: "行番落去簡直一步一驚心，要慢慢一步一步行番落山。 "
大家如果睇番之前的文章, 我係喺3月份去韓國玩, 其中一個行程就係黎呢度. 我當時寫因為強風關係, 纜車唔開, 一係就行番上去搭巴士走, 一係就行樓梯落番地面, 我當時同朋友揀咗行樓梯, 結果捉蟲啦!!!
其實當時我顧住行樓梯, 都冇影到相, 但皇天不負有心人, 終於喺某大網站, 無意中俾我搵到呢d相, 大家望番上面的相, 連呢個男仔都話d樓梯好斜下 (佢係由地面行上去, 我地就由山頂行落黎), 佢都話斜, 何況我當時係差唔多一口氣咁行呢?
雖然我地去時冇落雪, 但行落黎果時, 就真係好似呢個男仔咁形容: "行番落去簡直一步一驚心，要慢慢一步一步行番落山。 "
我當時都係好驚架, 又鬼死咁大風喎, 四面八方咁吹埋黎, d鼻水已經係咁流, 仲要頂硬上繼續行!!! 諗番轉頭, 好彩冇叉錯腳咋 (大家望下上面d圖, 雖然有欄杆, 但唔係全條樓梯都有架, 係一part part咁), 否則一個唔該就"碌"鬼咗落去啦!!!
可惜朋友雖然係一齊行, 但佢唔體諒我不特止, 後來仲話我"唔捱得", "咁後生都唔行得, 反而去bigbang concert企足全程就得......" 喂, 個concert我係買坐位, 唔係買企位架, 我睇到咁上下都坐低, 你都見到架啦!!!當然, 你當時全程坐喺度添啦!!! 但N首爾塔的樓梯係冇櫈坐架!!!
大家如果係自命大膽, 心口掛個勇字, 又唔怕死的話, 咁就去試下由山頂行返落地面, 或者好似呢個男仔咁, 由地面行上山啦!!!
呢條樓梯啱哂果d做開運動的人呀, 一來一回包你瘦唔少!!! 或者年年去跑"渣兜馬拉松"果d人, 去呢度都啱架啦!!!
我覺得唔好揀冬天去呀, 因為你永遠唔知當日會有幾大風, 到時話冇得搭纜車就死得啦!!! (當然如果真係咁的話, 就揀搭巴士落山啦, 死都唔好行樓梯呀!!!)
(相關網誌)
[N首爾塔+Teddy Bear Museum]
[N首爾塔+Teddy Bear Museum]
沒有留言:
張貼留言
注意：只有此網誌的成員可以留言。