「博覽館星級之旅」- “闖進‧博覽館” 及免費看「SHINee Concert “SHINee World II” in Hong Kong」

話說有一日, 我個blog有個留言, 係一個女仔話留意到我呢個blog寫好多關於韓星同埋K-Pop, 佢話邀請我去睇10月27日的SHINee喺香港的演唱會, 張飛仲係免費的, 包埋機場快線來回車票, 仲有飯食等等......
當時我睇完後, 第一個反應係: 係咪呃人架??? 因為個女仔冇留公司名, 只係得個電話......(又好難怪我會咁諗個喎......)

後來我試下打俾佢啦, 原來係真嘅......佢原來係"亞洲國際博覽館"的人, 佢話有個tour, 除咗免費睇SHINee演唱會外, 仲會介紹下博覽館的設施, 當然玩完呢個tour後, 要寫番篇後記啦......

咁我問佢點樣搵到我? (因為我都寫咗呢個blog幾年, 但講真, 我只係寫權相佑同埋BIGBANG的) 咁佢話係上網搵到我嘅.......不過呢個女仔感覺上對韓流唔係太熟咁......講真, 雖然我本身有聽開K-Pop, SHINee的歌雖然都有聽, 但其實對佢地唔係太熟, 5個成員入面, 我只係識珉豪同埋鐘鉉, 其餘3個: 溫流, 泰民, KEY, 我記得個名但唔記得個樣囉......

之後, 個女仔就將個project pass俾公關公司, 之後就公關公司同我follow啦, 佢話張concert飛係坐位, 係最貴果種 ($1480), 但唔係第一行......不過張機鐵票就真係太遲寄黎啦, 10月27日成團, 公關公司竟然是在10月24日先寄出, 其實應該喺10月22日寄出就差唔多......因為10月23日係重陽節, 假期黎嘛......呢樣野要改善一下.......

好啦, 到咗10月27日我同其他團友就去到博覽館......就有博覽館的職員帶我地去參觀博覽館啦......

 

其實今次SHINee演唱會的場地, 就係擁有全港最大的室內多用途場館 - 亞洲國際博覽館Arena，可容納14,000名觀眾, 而咁啱當日又有個展覽 (不過唔係好記得係咩展覽), 博覽館會提供超過70,000平方米的可租用面積，備有10個位於地面、樓底高達10至19米及採用無柱式設計的先進展館, 可以容納好多人, 曾經仲拆過哂D柱, 用來俾一大班大陸人去考試添!!! 仲可以用來攪春茗......

之後去到東走廊睇海景, 不過當日已經係下午6點幾, 已經天黑啦, 所以冇咩野睇到, haha~~~

然後我地去到位於1樓的Arena Kitchen食西餐, 其實我知博覽館有食店, 不過冇諗過會有咁多囉......(因為通常我會喺機場食咗野先入去睇show......)

跟住D職員帶我地參觀場館, 仲同SHINee的易拉架影大合照......仲可以入去場館睇佢地綵排添, 當時佢地啱啱唱緊"花樣男子"的插曲, 但當然唔俾影相啦......

 

之前博覽館的職員問咗我地想食咩主菜? 有三文魚及燒春雞, 我就揀燒春雞......但早知唔揀, 寧願食三文魚.....但三文魚我又驚腥......

 

當日的menu

 

 

麵包幾好食.....

 

頭盤 (但可惜有溫泉蛋呢, 我係唔食架......) 唯有食麵包......

 

燒春雞 (可惜個紅酒汁太苦啦, 唔得.......根本好似冇揮發到D酒味咁, 已經一早落咗order, 應該夠時間整架啦.....我唯有點粟米蓉中和番......) 連帶住我地的博覽館職員都話紅酒汁麻麻地......(因為佢都係食燒春雞), 呢度又係要改善下......

 

團友食的三文魚

 

甜品OK~

 

朱古力及maracon

食緊飯時就攪抽獎, 每人都有一張特大poster, 仲有其他紀念品抽, 我就抽到毛巾......

 

之後就拿拿聲入場睇show啦!!!

 

 點解鐘鉉會手指指呢? 佢地講咗一大堆野, 鐘鉉同大家講"조심해" (即係解"小心D呀", 如果韓文有錯請指正), 咁個翻譯就話"小心D呀", 之後一到講野時間, 鐘鉉就不斷用廣東話指住班fans講"小心D呀", 真係好攪笑~~~

由8點唱到11點, 又冇乜冷場, 真係幾抵睇嘅, 不過我都提早走, 因為要轉幾次車先返到屋企 (如果冇機鐵來回票的話, 反而可以睇哂先走), 驚冇車返屋企呀!!!

總括黎講, 今次的行程都OK嘅......

黎緊12月有BIGBANG演唱會, 又係喺博覽館攪, 希望又有呢D活動就好啦......