終於都俾我等到, 仲要由一場變到開三場 (8 Dec - 10 Dec), 仲要喺正我生日的月份黎香港開, 真係正呀!!!
不過撲飛就辛苦囉......因為我只係想買平飛, 但香港forum只係團購最貴門票, 搞到我頭都大, 好彩後來AE咭有優先訂購, 咁啱我同事有AE咭, 於是當日我喺公司上網, 不斷嘗試去買飛, 終於用咗2個鐘, 俾我買到啦!!!
雖然係Y行 (最高係Z行), 不過唔緊要啦, 有得睇佢地已經好滿足!!!
當日我約埋一D唔識的VIP去睇 (因為大家都係一個人去, 而且大家都係買坐位), 雖然佢地都係妹妹仔, 但因為有共同話題, 所以都傾得好開心!!!
機場都已經有聖誕裝飾啦~~~ 我大約4點零鐘去到博覽館會合其他VIP.
當日行出去博覽館時, 見到個夕陽好靚呀~~~
不過當日所見, 易拉架唔多, 除咗上圖 (其實仲有2012, 不過太多人影唔到), 就只有TOP及太陽, 其餘三個係冇的.......
本來應援話要整藍海, 但因為最近好忙, 都唔得閒整......但咁啱samsung喺博覽館擺counter, 只要行去D職員度, 答佢3個問題, 就會派上圖呢條藍色膠帶, 或者係S III 機殼!!! 呢條膠帶做得唔錯, 可以發光架~~~
大約7點零鐘, 我地就打算去排定隊先, 點知條龍長過乜....... (我企呢個位置係另一條龍)
龍頭當然望唔到, 點知.....連龍尾喺邊都睇唔到!!! 你話BIGBANG今次幾勁吖!!! 於是我同妹妹仔講, 不如過去隔離條龍排隊, 起碼短好多望到龍尾!!!
事實我係冇揀錯, 因為企到7:30pm度, D人越來越多, 而且博覽館遲遲都唔放人入去, 搞到好鬼迫!!! 後來差唔多到8點先放人, D人係咁行行行......好彩冇俾人推撞!!!
而我地一去博覽館時, 心情已經好high, 到入場時就更high!!!
呢個位置就係Y行啦, 其實真係望到佢地細細粒架, 一定要望電視, 不過最緊要有得睇就得啦!!!
皇冠燈海~~~ (我當然有帶啦~~~)
出場啦~~~
途中佢地又講英文, 又講廣東話, 問VIP開唔開心? 我地當然答"好開心"!!!
勝利教我地跳"fantastic baby"的舞蹈~~~
當然......唔少得太陽除衫呢一part~~~
大成唱"wings", 呢對翼喺韓國都見過~~~
當日佢地唱到10點就話唱完, VIP當然唔肯走啦, 不斷嗌"encore, encore......"
最後佢地都有出番黎唱, 仲encore咗3次添, 正呀~~~
而且志龍仲用英文講, 好鐘意香港, 好多謝咁多VIP黎睇佢地, 仲話會好快再黎香港, 唔知係咪真呢???
BIGBANG仲多謝班live band, 因為呢隊live band喺呢個世巡tour跟住BIGBANG去彈音樂架~~~
最後唱到11點, 就真係唱完啦~~~ VIP都好唔捨得.......
官方週邊有好多野賣, 本來我想買鎖匙扣或者襟章, 但已經賣哂, 後來買呢款貼紙, $60~
呢個演唱會真係好正呀, 無論喺韓國定係喺香港睇, 都一樣咁正!!! 呢個世巡會喺下個月25日-27日, 一連三日喺首爾舉行, 為呢個世巡劃上句號!!!
沒有留言:
張貼留言
注意：只有此網誌的成員可以留言。