I Do I Do

【韓文劇名】：아이두 아이두

【中文劇名】：Ido Ido
【接檔】：The King 2Hearts
【導演】：姜大善（我的公主, 魂）
【編劇】：趙貞花（陽光照射下, 比天國陌生）
【電視台】：MBC水木劇
【首播】：5月30號
【播出時間】每周三周四北京時間20點55分各播放一集
【集數】：16集
【主演】：金宣兒 李章宇 林秀香 朴建衡
【官網】：http://www.imbc.com/broad/tv/drama/idoido/index.html

人物介紹:

【劇情簡介】

洋溢着魅力和自信的30代Gold Miss頂級鞋子設計師黃智安，與要面子的新入社員朴泰江，一夜失誤後，不慎懷上孩子，從而引發出一系列磕磕碰碰的愛情故事.

呢套劇講述一個30多歲的事業型女性金宣兒, 同新入職的職員李章宇"一夜情" 之後所發生的故事.  金宣兒做事果斷, 喺高跟鞋公司做咗15年咁耐, 一貫的女強人性格; 而李章宇同老豆就喺梨泰院賣A貨鞋, 經常"走鬼", 搵朝唔得晚, 其實李章宇老豆以前喺造鞋界好出名, 不過後來要湊大李章宇至走去做A貨.

後來陰差陽錯下, 金宣兒去咗飲悶酒, 遇見李章宇, 咁啱又落大雨, 李章宇做好心送佢返屋企, 咁就一齊瞓咗一晚......第2日當然當冇事發生啦....

之後金宣兒老豆想佢去相睇, 對象就係朴健衡, 本來金宣兒唔係好鐘意朴健衡, 後來都覺得佢人品唔錯, 而朴健衡亦都想同金宣兒發展, 但點知呢個時候金宣兒發現自己有咗, 朴健衡知道雖然愕然, 但仍然好愛金宣兒, 但金宣兒覺得對佢唔公平就分手.......大家做咗好朋友, 朴健衡仲做金宣兒的主診醫生.

而李章宇就參加咗金宣兒公司的比賽贏咗入咗去做金宣兒手下, 慢慢不知不覺咁鐘意咗金宣兒, 而佢亦"朦盛盛"做人, 知道金宣兒有咗, 以為佢的BB係朴健衡, 仲話唔介意, 而金宣兒亦冇講個經手人就係李章宇, 因為佢唔肯定自己係鐘意邊個.

此時金宣兒公司會長的私生女林秀香入主公司, 處處針對金宣兒, 而會長夫人亦希望金宣兒對付林秀香, 仲想升金宣兒為社長, 而金宣兒亦憑住機智過關......初時佢冇同公司d人講佢有咗, 只得李章宇知道, 但始終紙包唔住火, 會長夫人知道金宣兒有咗後好嬲, 就叫林秀香踢走金宣兒; 後來攪咗個設計比賽, 雖然係金宣兒贏咗, 但會長夫人點都要金宣兒走......後來林秀香知道自己能力不及金宣兒, 於是將社長個位俾金宣兒做, 而金宣兒亦知道自己係鐘意李章宇......不過最後金宣兒生完個女之後都係冇做到社長, 俾返林秀香做......

不過最後根本係冇講金宣兒同李章宇有冇結到婚囉......