【中文劇名】來自星星的你 【韓文劇名】별에서 온 그대
【編劇】 樸智恩 （박지은）《順藤而上的你》《逆轉女王》《賢內助女王》《做得好做得妙》
【導演】 張太侑 （장태유） 《樹大根深》 《風之畫員》 《錢的戰爭》
【演員】 金秀賢 全智賢 劉仁娜 樸海鎮 申成錄 羅英姬 安在賢 李日花 趙熙奉 金昌莞 劉仁英 吳尚鎮 洪眞卿
【類型】 SBS水木劇
【首播】 2013年12月18日
【集數】 20集
【播放時間】 每周三、周四晚21：55各放一集
【接檔】 《繼承者們》
【官網】 http://tv.sbs.co.kr/lovefromstar/index.html
【制作銷售】 HB entertainment
【中文制作】TSKS韓劇社
【劇情大綱】《來自星星的男人》是韓國SBS電視台自2013年12月播出的水木特別企劃劇，講述外星男子度敏俊（金秀賢 飾）從外太空來到400年前的朝鮮並一直生活到現代，在和身爲國民頂級女演員的千頌伊（全智賢 飾）陷入愛情的過程中，不同星球的兩人消除彼此之間的誤解，克服危險追尋眞愛的浪漫愛情喜劇。
企劃意圖:
不過都教授點都估唔到, 自己呢400年都冇談過戀愛 (因為覺得自己會隨時返去星球), 但竟然會俾千頌伊呢個唔用腦, 自以為是的女人收服到, 都教授冇諗過自己會越黎越鐘意呢個女人, 鐘意到難捨難離......
都教授其實因為前幾十世救過千頌伊的前幾十世, 可惜千頌伊的古代最後都係難逃一死, 但都教授冇忘記過佢, 所以當佢一見到千頌伊時, 就覺得似曾相識......
不過都教授為咗要留低喺首爾, 又要改幾十次名, 服咗幾十次兵役, 到咁上下時間又要消失 (等其他人以為佢死咗), 然後又再"重生"......唉, 真係辛苦佢囉......但我覺得奇怪的係, 點解係都要等隻飛船黎到首爾先可以返去呢? 佢既然有超能力, 咁唔可以主動搵返星球的人咩???
另外, 佢屋企的花草樹木, 佢生d樹葉就好翠綠, 佢一俾千頌伊錫完, 或者d超能力冇咗, d樹葉就黃哂, 枯哂.......真係好似古裝片咁, 刀在人在, 刀亡人亡......
其實千頌伊恃住自己係大明星, 所以就目中無人, 懶巴閉, 所以劉仁娜表面上同千頌伊好老友, 實際上不知幾咁憎千頌伊, 兩個星媽成日鬥餐死, 加上又暗戀輝京, 但輝京又明戀千頌伊喎! 後來千頌伊因為另一個女星韓宥拉死亡事件, 而令到自己一沉百踩, 劉仁娜乘機上位, 亦令千頌伊終於睇清楚劉仁娜的為人......
最好笑係千頌伊連大蒜同garlic都唔知係同一樣野, 仲有最鐘意喺屋企大大聲唱歌, 仲唱到走哂音, 難為住喺隔離的都教授完全聽到哂.......而且千頌伊有首歌好鬼攪笑, 歌詞其中兩句係: 我姐姐係萬頌伊, 我妹妹係百頌伊......真係唔得佢死!!!
而千頌伊細佬原本好唔鐘意都教授, 但後來都教授問佢飲唔飲朱古力奶, 佢就已經打個突, 再之後佢發現都教授有望遠鏡, 態度都唔同哂, 當都教授神咁拜, 仲好放心都教授同家姐一齊; 後來知道咗都教授係外星人之後, 對都教授更加著迷, 要求都教授同佢做西片"ET外星人"兩個人一齊掂手指果part, 真係笑死我!!!
全劇最奸當然係申成祿飾演的載京啦, 心理簡直有問題, 認為邊個阻住佢就去殺人, 連親大佬都唔放過, 抵佢坐監架!!!
雖然個結局話都教授係首爾星球兩邊走, 但都好過冇得見吖! 後來SBS知道觀眾覺得個結局麻地地, 最後都播返個大約2分鐘的片段, 講佢地一齊住, 都算還咗觀眾一個心願!
沒有留言:
張貼留言
注意：只有此網誌的成員可以留言。