再一次Happy Ending

【劇 名】：再一次Happy Ending  한 번 더 해피엔딩
【播 送】：韓國MBC水木迷你連續劇
【首 播】：2016年1月20日
【時 間】：每周三四晚間北京時間8點45分各播放一集
【編 劇】：許成希
【導 演】：權成昌
【主 演】：張娜拉、鄭敬淏、劉寅娜、權律、劉多仁、徐寅永
【集 數】：16集
【接 檔】：甜蜜殺氣的家族
【簡 介】：該劇講述了離婚與再婚、昨天與今天想要再一次得到幸福的男女之間故事。
【官網】：www.imbc.com/broad/tv/drama/lovexlove/

人物介紹:

韓美貌 － 張娜拉 飾

偶像團體Angels成員出身，現為再婚諮詢公司負責人。

跟宋秀赫是同學，小時候對他有一點好感，但因話劇失誤對他有點不諒解。

多年後重逢，兩人是鄰居，跟具海俊在一起，但漸漸的發現心中那個人是宋秀赫，但宋秀赫已經去了美國。

宋秀赫 － 鄭敬淏 飾

娛樂媒體記者。

家境富裕，獨自撫養孩子，跟韓美貌是同學，小時候為了她做了很多事，但未表達心意。

多年後再次重逢，兩人剛好是鄰居，也因此而再度燃起對韓美貌的愛意，默默的犧牲自己為韓美貌做了很多事。

為了不讓韓美貌傷心，帶著兒子去了美國。

具海俊 － 權律 飾

宋秀赫的好友，神經外科醫生。

高東美 － 劉寅娜 飾

偶像團體Angels成員出身，現為小學教師

白多靜 － 劉多仁 飾

偶像團體Angels成員出身，現為婚紗企業代表。

在團體解散後嫁入豪門，度過七年婚姻生活後，現與丈夫處於倦怠期。

洪愛蘭 － 徐仁英 飾

偶像團體Angels成員出身，現經營一家網店。

呢套戲係講述4個女仔由偶像團體出身, 到後來各自發展, 以及結婚及再婚的故事.

講張娜拉, 徐仁英, 劉仁娜, 劉多仁以前係同一隊偶像團體, 但係因為同朴山多拉 (Sandara Park) 不和而各自退出娛樂圈, 而Sandara就繼續留喺娛樂圈; 張娜拉就已經離咗婚, 識咗一個男朋友, 但佢天真到以為人地會娶佢, 點知佢男朋友暗地裡同Sandara一齊, 無意中俾做記者的鄭京浩發現到佢地三個嗌交......鄭京浩認得張娜拉係小學同學, 但因為自己已經係單親爸爸兼有個仔, 所以對識女朋友一事抱住隨緣的態度......但因為有次鄭京浩同張娜拉飲醉咗而走去登記註冊結婚 (但最後發現係冇登記) 而結下不解之緣......

而張娜拉因一次意外無意中見到鄭京浩的朋友權律, 仲對權律一見鐘情, 後來仲女追男一齊咗, 但權律知道咗張娜拉同鄭京浩係小學同學關係之後就唔多鐘意, 加上Sandara的fans不斷針對張娜拉, 鄭京浩睇唔過眼, 不斷保護張娜拉, 可惜俾權律見到, 於是妒忌鄭京浩......後來張娜拉亦開始對鄭京浩有好感, 想同權律講分手但俾權律搶先一步講咗......之後鄭京浩知道自己令到佢地唔開心, 加上工作不如意, 於是帶埋個仔返美國屋企......但張娜拉到呢刻先知自己鐘意鄭京浩......

劉仁娜就係小學老師, 因為長期識唔到男朋友而感到灰心, 有次喺網上買個焗爐, 就識咗賣家金民俊, 劉仁娜以為對方係個好男人, 但原來金民俊已經結咗婚, 佢只不過係呃劉仁娜的錢......之後徐仁英帶劉仁娜去夜店散心, 點知就識咗個年齡細過自己的男仔, 初時個男仔話自己係28歲, 細劉仁娜3年 (當時劉仁娜又報細數話得31歲), 但後來劉仁娜無意得知個男仔原來得25歲, 計落原來自己大人地9年 (即劉仁娜已經34歲)......佢諗咗好耐究竟同唔同男仔坦白, 因為佢想同呢個男仔結婚, 但人地太細個......最後劉仁娜寫封信俾呢個男仔坦白兼分手, 但個男仔唔單止唔同佢分手, 仲話俾一年時間佢, 朝著結婚的方向前進......

劉多仁就係佢地咁多個之中, 最早結婚的一個, 但係因為老公係豪門家族, 所以一定要生個仔出黎; 但可惜原來劉多仁冇得生, 最後要用人工受孕先生到個仔; 可惜亦因為咁樣就同老公疏遠咗, 係劉多仁自己唔想再親近老公, 有次仲奇怪到趁老公沖涼時, 佢將個仔d口水抹落自己件衫度, 佢老公沖完涼出黎想攬住劉多仁, 但聞到d口水味就冇再攬......自此兩夫妻感情慢慢疏離仲分房瞓, 而佢個仔都覺得父母有問題......最後老公頂唔順要同劉多仁離婚......但佢對離婚一事心大心細......

直到有次佢地幾個約埋做body check, 就驗到劉多仁有乳腺癌, 佢當然晴天霹靂, 仲叫佢地唔好同佢老公講, 但張娜拉就忍唔住同佢個仔講, 個仔再同老豆講, 咁佢老公先至想同劉多仁修補關係......開頭劉多仁仲想離婚, 因為做咗切除乳房手術後唔似一個女人, 但佢老公唔想, 仲要大家一齊上堂去學習點樣修補夫妻關係......後來劉多仁手術成功, 亦開始慢慢鐘意返老公......

徐仁英本身有男朋友, 但到結婚一刻先知自己其實唔想結婚, 無奈已經派哂帖, 加上未婚夫極力挽留, 咁先至應承結婚......點知行禮果日, 老公的前度女朋友黎"贈慶", 仲要係好多個前度, 搞到徐仁英發火話要離婚, 點知老公唔肯, 話屋企唔俾, 但可以各有各出去玩, 結果徐仁英去咗劉仁娜度住......後來徐仁英老公唔知點解又搵返徐仁英, 仲話會改哂以前的壞習慣, 講咗好耐徐仁英先至搬返同老公一齊住, 而佢老公就煮埋飯俾徐仁英食, 到徐仁英話想讀MBA, 佢老公又好讚成, 佢真係改變得好大......

而鄭京浩個仔雖然好想老豆再結婚, 但介紹的女人冇個係鄭京浩鐘意; 而後來鄭京浩同張娜拉一齊後, 佢個仔又唔多鐘意, 對張娜拉好冷淡; 而張娜拉的前夫突然又出現返, 原來前夫的未婚妻係認識鄭京浩, 令到張娜拉更加驚, 佢驚鄭京浩知道咗會唔知點算......後來鄭京浩知道咗, 就叫張娜拉前夫再結婚後唔好再聯絡, 免得張娜拉唔開心......

到鄭京浩想同張娜拉求婚時, 張娜拉反而唔想, 仲話不如一年後先再諗, 但又話到明唔想同鄭京浩分手, (因為張娜拉個心成日仲諗住前夫的未婚妻同鄭京浩咁好) 咁鄭京浩亦順從佢的意思......後來喺劉多仁同老公的婚禮上 (佢地再行多次禮) 張娜拉反傳統向鄭京浩求婚, 鄭京浩當然應承咗啦~