三流之路

【劇 名】三流之路
【韓 名】쌈, 마이웨이
【類 型】青春 勵誌 愛情 喜劇
【編 劇】林尚春
【導 演】李那廷
【主 演】樸敘俊 金智媛 安在洪 宋昰昀
【首 播】2017年5月22日
【時 間】KBS月火劇 星期一二晚10：00
【接 檔】完美的妻子
【集 數】16
【官 網】http://www.kbs.co.kr/drama/ssam/
【簡 介】該劇講述了沒有錢沒有背景，過著配角人生的男女主人公沖破束縛成為業界精英、人生的主人公的成功記故事

人物介紹:

高東萬／朴敘俊

「要征服世界的跆拳少年，做著除蟎的工作……」

（29歲）高中三年的夢想，是披上國家隊衣服的跆拳道選手，多年過去，他卻成為了除蟎公司的職員。

崔愛羅／金智媛

「想坐在主播席上的麥克風少女，站在了服務台上……」

（29歲）過去的夢想，是新聞台主播；現實情況則是百貨商店服務人員。年年報考新聞主播，年年落榜。

金洙萬／安宰弘

「熱愛大賣場，號稱絕對味覺的大長今，成為了電視購物的食品採購負責人……」

（29歲）高東萬好友，電視購物公司的食品採購負責人，與女友白雪熙已交往已6年。。

白雪熙／宋昰昀

「夢想成為賢妻良母的粉紅公主，變成了親切的客服……」

（29歲）崔愛羅好友，電視購物公司的客服人員，與男友金洙萬已交往6年。

呢套劇講述男女主角有夢想, 可惜現實環境唔容許佢地實現夢想的故事.

朴敍俊同金智媛, 宋昰昀係由細玩到大的朋友, 朴敍俊同金智媛一路以黎都係"友達以上, 戀人未滿" 的關係 (但佢地並不察覺), 而宋昰昀就同安在弘拍咗拖6年, 宋昰昀喺每件事上面都好遷就男朋友, 將最好的野俾哂安在弘, 為咗唔想安在弘喺公司失禮人, 特登買個好貴的公事包俾佢, 自己著衫就求求其其, 令到安在弘關始對呢段關係有D厭倦......

朴敍俊的夢想係打跆拳道, 但因為個妹有病, 屋企又窮, 迫不得已打假拳, 用打假拳的酬勞黎幫屋企, 結果夢想被埋沒......金智媛夢想係做新聞主播, 但因為冇去過外國留學, 冇讀過關於播音的課程, 屋企又唔係有錢, 結果要做百貨公司counter嗌咪......宋昰昀夢想係要做媽媽, 但因為男朋友安在弘搵錢唔多, 就算拍咗拖6年都仲未講結婚......安在弘一路喺公司搏命做野想升職, 但每次上司話會升佢職, 原來得個講字......

呢套劇最乞人憎的係朴敍俊的前女友, 以前曾經同朴敍俊一齊, 亦同金智媛一齊考主播, 結果前女友順利做到主播, 把口就話鐘意朴敍俊, 但最後嫁入豪門, 以為搵到個筍盤, 點知最後離婚收場, 之後就成日搵朴敍俊, 一開聲就嗌Oppa, Oppa......想同返朴敍俊一齊, 而金智媛一見到前女友就好唔鐘意, 覺得佢有目的, 而每次前女友錫朴敍俊時, 無論係以前定而家, 金智媛一定會轉身唔想睇, 但金智媛冇諗過原來已經鐘意咗朴敍俊都唔知......而朴敍俊亦因為前女友成日黎搵佢已經覺得好煩, 點知有次前女友又錫朴敍俊時, 朴敍俊終於醒覺到自己原來係鐘意金智媛......

另外一個乞人憎的角色係安在弘公司的其中一個女實習生, 呢個女實習生一開始就好主動接觸安在弘, 而安在弘每次見到女實習生做錯野, 就唔忍心而去幫佢, 令到女實習生鐘意咗安在弘, 而宋昰昀看在眼裡就好唔開心, 但因為安在弘冇喺公司公開過佢地的關係, 令到宋昰昀經常疑神疑鬼, 雖然最後安在弘喺公司公開咗同宋昰昀的關係, 但女實習生仍然對宋昰昀話希望可以同安在弘一齊......

最後因為有次安在弘夜晚出去見女實習生, 宋昰昀忍無可忍之下提出分手 (之前因為安在弘阿媽同家姐當宋昰昀係工人咁使, 已經令到安在弘好不滿) 而安在弘估唔到宋昰昀咁決絕分手, 而女實習生以為自己可以同安在弘一齊, 其實安在弘每次見到女實習生做錯野時, 就會諗到當初宋昰昀做錯野時的樣子, 最後安在弘同女實習生講清楚......

劇情都幾反映到現今年青人的苦況, 就係雖然有夢想, 但因為各種原因而未能實行到......