焦急的羅曼史

【劇名】 焦急的羅曼史 （My secret romance)
【韓名】 애타는 로맨스
【演員】 宋枝恩、成勛
【編劇】 金荷娜、金永雲
【導演】 姜哲宇 (1%的可能性)
【類型】 浪漫愛情喜劇
【制作】 Gadin Media IHQ
【首播】 2017年4月17日
【時間】 每周星期一，二（韓國時間）
【集數】 13
【劇情】此劇描述男女主角在度假勝地相遇，兩人於酒醉後發生了一夜情，後來各自回到了日常生活。偶然間兩人在公司裡，以本部長和營養師的身分再度相逢，原本的一夜情緣，又有了延續發展的機會。

人物介紹:

李有美 - 宋枝恩

大企業餐廳的營養師，個性開朗但對愛情卻非常保守，過去曾因愛情而受傷。

車鎮旭 - 成勛

擁有帥氣外表但性格刻薄的富二代 ，在認識李有美後，逐漸產生變化。

鄭熙得- 金宰英

飲料店社長兼知名作家，宥美高中同學及好友，默默地照顧宥美和她身邊的人，常成為宥美的傾訴對象，最後與惠利交往。

金惠利 - 鄭多瑟

主播，性格傲慢愛耍性子，愛慕著鎮旭，以成為他妻子為目標。最後與熙得交往。

車大幅 - 金宗九

車鎮旭的爸爸，DEABOK集團會長。

金愛鈴 - 李坎熙

車鎮旭的媽媽，經營粥店。

趙美姬 - 南琪愛

李宥美的媽媽，曾經是色情片演員。

東九 - 朱相赫

李宥美的異父弟弟。

人物關係圖:

呢套劇好似童話故事咁: 有錢仔同普通人家的女仔一夜情, 之後各散東西, 3年後再遇到, 繼而經歷多災多難後喺返埋一齊~

成勛喺戲裡面成日露兩點, 有胸肌有腹肌, 而且仲同宋枝恩有好多場吻戲, 真係閃爆我對眼呀~~~ 

不過有D變態的係, 喺一夜情之後, 宋枝恩怱忙得滯漏低其中一個"砵仔糕", 成勛竟然keep住3年咁耐!!! 但如果成勛唔keep住"砵仔糕", 就冇咗對宋枝恩的回憶......

不過現實有冇男人對一夜情念念不忘呢? 

成勛老豆唔鐘意宋枝恩, 成日想成勛同女主播結婚, 但成勛堅持同宋枝恩一齊, 呢樣野真係唔係個個男人做得到!

戲裡面宋枝恩阿媽真係好不知所謂, N年前拍過三級片, 仲要得閒無事喺度大事宣揚, 慌死冇人知佢拍過三級片咁!!! 

呢件事令到宋枝恩由中學到而家, 都俾人笑, 搞到佢抬唔起頭做人, 做咩事都閃閃縮縮咁, 但因為宋枝恩收收埋埋冇同阿媽講, 卒之有次阿媽喺電視節目度又講拍三級片的事, 又爆埋宋枝恩同成勛點樣認識, 搞到宋枝恩再次俾人笑, 今次宋枝恩終於鼓起勇氣罵返阿媽, 話阿媽不知所謂, 而阿媽終於都明白, 原來自己"引以為傲"的事業, 令到宋枝恩咁多年黎都咁難受, 最後阿媽又再上節目, 同觀眾解釋......

男二就係唯一一個明白宋枝恩點解咁難受, 因為男二同宋枝恩係中學同學, 親眼見到宋枝恩俾其他同學恰, 於是由憐生愛, 但一路冇勇氣表白, 到最後表白時已經太遲......

劇中另一個突出的人物係成勛的男秘書, 次次佢都會換唔同色的西裝, 有時係紅色, 有時係綠色, 有時就格仔, 仲搶眼過成勛的西裝!!! 做秘書係唔可以搶老闆的風頭架嘛!!! 加上男秘書講野的語氣好鬼作狀, 好唔鐘意佢!!!