劇名：告白夫婦/ Go Back夫婦(고백부부)
導演：河炳勛
編劇：權慧珠
主演：張娜拉、孫浩俊、許正民、韓寶凜
主演：張娜拉、孫浩俊、許正民、韓寶凜
首播：KBS 2TV 2017年10月13日
集數：12
官方網站：http://www.kbs.co.kr/drama/gobackbubu/about/program/index.html
集數：12
官方網站：http://www.kbs.co.kr/drama/gobackbubu/about/program/index.html
人物介紹:
張娜拉 - 馬珍珠
40歲，和崔半島離婚後穿越到過去。1999年為韓國大學歷史系一年級學生。
孫浩俊 - 崔半島
40歲，和馬珍珠離婚後穿越到過去。1999年為韓國大學土木工程系一年級學生。
許正民 - 安在宇
崔半島的朋友，1999年為韓國大學土木工程系一年級學生。
韓寶凜 - 尹寶凜
馬珍珠的朋友，1999年為韓國大學歷史系一年級學生。
張基龍 - 鄭南吉
馬珍珠的學長，有錢人家的兒子。
李伊庚 - 高獨載
崔半島的朋友，1999年為韓國大學土木工程系一年級學生。
曹惠晶 - 千瑟
馬珍珠的朋友，1999年為韓國大學歷史系一年級學生。
高甫潔 - 閔瑞英
崔半島的初戀，舞蹈系學生。
人物關係圖:
就喺佢地各自除咗隻結婚戒指後, 突然之間地震, 但只有佢地感覺到, 之後一覺醒來就發現原來穿越咗18年前, 大家仲讀緊大學的時候......
既然返到18年前, 孫浩俊當然扮唔識張娜拉, 去搵返個初戀情人啦, 但最後就好似覺得初戀情人唔係佢杯茶......
而張娜拉返到18年前, 竟然仲可以見返自己阿媽 (因為張娜拉阿媽喺佢地結婚冇耐就過咗身), 佢好掛住阿媽, 於是成日痴住阿媽, 連阿媽都嫌佢煩......而且仲見返韓寶凜同曹惠晶呢兩個好朋友; 而孫浩俊當然同許正民及李伊庚一齊......
張娜拉同孫浩俊喺大學讀書期間, 當然唔想見到對方, 但就成日撞到, 孫浩俊成日想阻止許正民同韓寶凜一齊 (因為18年後佢地分咗手, 許正民一提起韓寶凜就火都黎), 但始終都改變唔到事實......
但喺呢次穿越時, 都有少少野改變咗: 就係原本曹惠晶當年係突然休學, 之後完全冇哂佢消息, 但今次返去18年前時, 就因為李伊庚發現曹惠晶喺自己屋企的餐廳打工, 就去通知曹惠晶阿媽同張娜拉, 之後張娜拉勸曹惠晶唔好休學, 所以喺18年後, 曹惠晶就做咗旅遊作家......
而喺現實中, 孫浩俊係喺藥廠做野, 要不時搵醫院買佢的藥, 其中一間醫院的院長就係林智圭, 林智圭同孫浩俊同張娜拉係讀同一間大學, 林智圭本身已經有老婆, 但仲要出黎搵女人, 因為佢老婆好醜樣, 林智圭只係貪老婆外家有錢先至娶佢, 根本對老婆冇感情, 佢老婆亦知道, 但因為太愛林智圭而忍氣吞聲......
當孫浩俊同張娜拉返返18年前的時候, 孫浩俊就乘機搵林智圭報仇, 先係喺泳池踢林智圭落水, 然後再俾罐搖咗好耐的汽水俾林智圭, 等佢打開果時噴到一身都係......
而18年前林智圭已經想識個醜樣老婆, 但當孫浩俊同張娜拉知道後, 就夾埋整蠱林智圭, 等佢喺醜樣老婆同其他女朋友面前出醜, 等醜樣老婆知道林智圭係為咗錢先同佢一齊......而喺現實中, 個醜樣老婆係嫁俾第二個男人, 林智圭雖然結咗婚, 但仍然周圍識女仔......
呢套劇的 "亮點" 係張基龍飾演的大學師兄, 原來18年前佢曾經同張娜拉示愛, 但並唔係因為鐘意張娜拉, 而係同老豆鬥氣, 點知當年張娜拉拒絕咗......
但張娜拉今次穿越黎18年前, 已經忘記咗呢件事, 令到張基龍好嬲......但後來佢地分別喺唔同場合見過面, 張基龍開始對張娜拉好奇, 後來仲對張娜拉有好感, 而且張基龍對張娜拉好細心, 但張娜拉覺得自己大過張基龍咁多係冇可能, 所以只係當張基龍係前輩......
每次孫浩俊見到張基龍同張娜拉一齊時, 個心其實都好妒忌, 但因為要顧住面子所以冇出聲, 但到最後當孫浩俊知道張基龍鐘意張娜拉時, 就真係忍唔住出術, 希望張娜拉同返自己一齊, 但每次張娜拉見到孫浩俊就火都黎......
到最後孫浩俊想同返張娜拉一齊, 仲買埋戒指, 但最後為咗張娜拉而撞咗車, 令到張娜拉發覺仍然仲緊張孫浩俊, 而張基龍亦明白原來孫浩俊同張娜拉的感情咁深, 所以就成全佢地......
而孫浩俊同張娜拉對大家的了解多咗, 亦發覺冇咗大家唔得, 所以佢地重新戴返戒指, 齊齊返黎現代, 同佢地個仔一家三口幸福咁生活, 亦約埋大家的父母見面......
劇中以李伊庚18年前的長髮造型最突出, 亦都好鬼好笑!!! 劇中最後講佢要當兵而要剪頭髮時, 真係一路剪一路喊囉hahahahaha~~~
沒有留言:
張貼留言
注意：只有此網誌的成員可以留言。