第3種魅力

【劇名】：第三種魅力 （韓語：제3의 매력）
【播送】：韓國JTBC台
【類型】：JTBC金土劇
【首播】：2018年9月28日
【時間】：每周五、六晚23:00播放
【接檔】：《我的ID是江南美人》
【編劇】：樸恩英《鋼琴師》《花郎》 ；樸熙權《流感》共筆
【導演】：表民秀《制作人》 《浩久的愛》《他們的世界》《浪漫滿屋》
【主演】：徐康俊 李絮 楊東根 李允芝
【集數】：16集
【官網】：http://tv.jtbc.joins.com/charm 
【簡介】：講述兩位男女彼此被對方並不突出、但在自己眼中閃耀的第三魅力所吸引而陷入愛河的愛情故事。

人物介紹:

溫俊英－徐康俊 飾

一個有點異次元、喜歡規劃、心思細膩的現實型男人，眼鏡、牛仔褲、白色襪子、一塵不染的球鞋，一看就是標準的模範生。

李英在－李絮 飾

很有活力、率性熱血的魅力女子，父母雙亡和哥哥相依為命，當別人在玩耍的時候，她放棄讀大學拼命工作，選擇成為美容師助手，踏入社會，努力賺錢希望成為有錢人。

李修在 – 楊東根 飾

英在的哥哥。編劇志願生兼咖啡卡車社長。

白英蘭 – 李允芝 飾

比英在年長的閨蜜。髮型設計師。

呢套戲係講徐康俊同李絮由20歲開始認識繼而相戀, 後來因誤會而分開, 到27歲喺街上撞返再喺埋一齊, 但之後又再分開, 再到32歲時再一次相遇, 但到結局時佢地都係冇一齊......

徐康俊生於小康之家, 有父母同妹妹, 而李絮就父母一早已經唔喺度, 同哥哥楊東根相依為命, 亦因為咁李絮讀完高中就出黎做髮型設計, 由低做起, 而且亦因為自卑, 就冇再同高中同學來往, 而徐康俊就係大學生, 大家都係20歲, 初相識時佢以為李絮都係大學生, 後來先知唔係, 但徐康俊冇睇小李絮, 仲走去李絮做的髮型屋幫襯, 之後李絮主動表白......後來因為一個誤會, 李絮冇聽到徐康俊電話, 令到徐康俊呢段初戀就咁無疾而終......

到27歲的時候, 徐康俊已經做咗警察, 而李絮亦繼續喺髮型師做野, 李允芝就係老闆娘, 李允芝好鬼恨嫁, 成日走去相睇, 但次次都唔成功......而李絮哥哥楊東根因為一次意外, 令到下半世都要坐輪椅, 原本楊東根有女朋友, 佢殘廢後雖然女朋友冇離開佢, 但佢唔想女朋友跟佢捱苦而主動提出分手......

之後有次徐康俊去掃夜場時無意中見到李絮, 徐康俊當然好嬲李絮當年不辭而別, 但後來慢慢又再次喺返埋一齊, 但有次徐康俊想去髮型屋探李絮, 但發現李絮幫一個男人洗頭, 因為李絮應承咗徐康俊唔會幫男客人洗頭剪頭髮......原來呢個男人係整容醫生, 喺李絮髮型屋附近的診所工作, 佢對李絮一見鐘情, 就算知道李絮同徐康俊一齊, 都默默守候喺李絮身邊......而徐康俊呢個時候身邊亦出現咗一個女警, 呢個女警因為一次執行任務時受傷, 亦開始暗戀徐康俊......而今次徐康俊同李絮亦因為覺得行唔到落去而再一次分手......

而徐康俊之後就冇做警察, 走咗去葡萄牙散心, 仲發現對廚藝有興趣, 就留低喺度學廚, 而女警走去探徐康俊並且主動表白, 咁徐康俊就同女警一齊......而李絮同整容醫生結咗婚有個女, 之後全家人去咗葡萄牙住, 但因為一次意外, 李絮個女死咗, 亦令到李絮深深自責, 最後同整容醫生離咗婚, 之後返回韓國......而徐康俊亦返黎韓國開咗間餐廳, 有晚佢接咗單生意, 原來就係李絮同整容醫生預約, 徐康俊以為佢地喺埋一齊, 點知原來係李絮同整容醫生離婚前的最後一餐......
呢個時候徐康俊同李絮係32歲......

原本徐康俊諗住同女警結婚, 但女警後來知道李絮的身份, 覺得徐康俊個心仲鐘意李絮, 於是同徐康俊分手.....而徐康俊有次喺街上見到李絮好唔妥, 先知李絮呢幾年發生咗好多事, 佢覺得好心痛, 但佢地已經覺得冇可能再喺返埋一齊......