很便宜，千里馬超市

【劇名】：很便宜，千里馬超市（韓語：쌉니다 천리마마트）
【播送】：韓國tvN台
【類型】：tvN金曜劇
【首播】：2019年9月20日
【時間】：每週五晚播放
【編劇】：金率智
【導演】：朴承龍《無理的英愛小姐》、《剩餘公主》
【主演】：金炳哲、李東輝、朴浩山、李順載、鄭慧成
【集數】：12集
【官網】：http://program.tving.com/tvn/pegasusmarket

人物介紹

鄭北東-金炳哲 飾演

一心毀了千里馬超市，想向大馬集團報仇的天才社長。

他本是大馬集團的核心幹部，卻被降職到千里馬超市工作，他被稱為「帶著電腦的推土機」，具備耐心和觀察力。

文碩久-李東輝 飾演

想把千里馬超市變成流通業界第1的「傻瓜」店長，他是一個完美主義者，是一個想進入安定的大企業工作，在社會上成功的充滿野心的男人，為了開創「full碩久時代」而熱血奮鬥中。

趙美蘭-鄭慧成 飾演

是大馬集團的超精英間諜。

受權英久的命令，被派遣到千里馬超市監視鄭北東。

權英久-朴浩山 飾演

大馬集團的專務董事。

與鄭北東對立，他為了讓鄭北東不能回到大馬集團不惜一切方法手段。

金大馬-李順載 飾演

大馬集團社長。

劇情介紹

從大馬集團被左遷的鄭北東，成為大型商店「千里馬超市」的社長後發生的故事。

當初係冇諗過睇呢套劇, 只係知道係搞笑劇, 後來見冇咩劇啱睇就搵呢套劇睇, 點知原來係咁好笑!!!

劇情講述金炳哲係喺大集團做野, 後來因為做錯野, 俾李順才"燉冬菇", 叫金炳哲去千里馬超市做社長, 金炳哲去到超市後, 發現呢間"發霉"超市簡直係垃圾一樣, 裡面的員工好鬼死hea, 貨物過哂期仲要發臭, 只係一個員工係比較正常D, 就係李東輝. 

李東輝一路都好想入到去大馬集團做野, 但最後只係分配到去千里馬超市, 但李東輝仍然好想入去總公司返工......當李東輝見到金炳哲後, 金炳哲話要改革成間超市, 包括乜人都請, 連一班住喺韓國10年的巴雅族 (土人) 都請, 仲將超市口號更新, 叫客人唔好入黎幫襯, 去對面間超市買野, 仲要不斷改革, 將李東輝認為冇人夠膽做的野, 金炳哲都通通做哂出黎, 奇就奇在竟然有客人肯入黎買野, 生意額仲不斷上升, 將超市轉虧為盈......

金炳哲認為員工先係王, 客人要對員工客氣, 所以佢安排所有員工著皇帝衫, 又辟出一個位置俾一個女孤兒賣兒童圖書, 等佢可以喺度安心讀書做功課, 又安排班巴雅族做人肉手推車等等......呢D行為令到李東輝大開眼界, 雖然覺得冇可能做到, 但李東輝內心係佩服金炳哲......

而朴浩山係大奸角, 佢同金炳哲不和, 佢同李順才的孫貪污, 收埋筆錢喺千里馬超市, 朴浩山好驚金炳哲知道, 就叫鄭惠成去超市做間諜, 但最後鄭惠成俾金炳哲的舉動感動咗, 朴浩山唯有想盡辦法去超市攞返D證據......

最後李順才想金炳哲返總公司, 但最後金炳哲拒絕咗, 佢覺得比起總公司, 超市更加有人情味, 而且冇咁大壓力......

全套劇最好笑的係, 巴雅送呢班土人, 佢地講每一句說話之後, 都會加個"DU"喺後面, 而族長個仔又好好笑, 同人地示愛會講"SADU", 好鬼死可愛~~~