東京鐵塔

劇　名： 東京タワー～オカンとボクと、時々、オトン～
媒　體：電視
製作國：日本
初公開：2007-01-08
回　數：11

人物介紹:

中川雅也 (速水直道)

佐佐木真奈美 (香椎由宇)

雅也大學同學, 疑似女朋友

中川兆治 (泉谷茂)

雅也父親

中川榮子 (倍賞美津子)

雅也母親

鳴沢一 (平岡祐太)

雅也大學同學

 

Leo (陳柏霖)

雅也在東京時的鄰居



內容簡介:

(2006)原作是描寫作者憶起亡母的種種過去，寫下的一本感人小說繼電影和單元劇後，成為今季的月九劇。

速水直道飾演的中川雅也從小因為父母離異，隨母親相依為命，雖然生活過得清苦，母親榮子（倍賞美律子）仍然努力工作，希望給雅也最好的東西，讓兒子從小沒有父親而感到寂寞，榮子覺得是自己的錯，所以她盡力補償，或許因為這個緣故，雅也一直很黏母親，直至長大後到了反叛期開始覺得母親囉嗦，對她總是一副臭臉，但其實只是出於少年常有的心態「不想受到干涉，但又想得到關心；不想被當作孩子看待，但又很想她在身邊」我想每個成長中的年輕人，或多或少也能明白這種想法吧

雅也到了高三時，開始要為未來打算一直喜歡繪畫的他想到要考東京的美術大學，但因為學費的問題而遲遲不敢開口不過最大的原因應該是他不想這樣離開母親；不單因為不捨得，而是覺得對她不起吧最後母親還是察覺兒子的想法，努力讓他可以完成這個心願。當雅也看到放在桌上的車票，不禁想起孩子時不想和母親分開的往事，那時單純的他被問到最愛的是誰，答案就是那個含辛如苦養大自己的母親然而自己已經長大，不可能再繼續這樣，雅也決定到東京。

在車站送別的一幕，雅也縱有千言萬語也不知從何說起，雖然態度上表現出厭煩，但他的眼睛一直看着母親，默然不語母親也只有叮囑他小心身體、含淚揮手送別雅也看着母親送來的包裹；飯團、毛巾、東京地圖，盡顯其關懷之情最後他看到母親寫的一封信，終於也忍不住留下眼淚。




呢套戲好多人都話睇完會流眼淚, 不過我又係冇流過! 劇中速水做戲進步咗, 睇得出俾心機去拍呢套劇, 尤其有d場面, e.g. 喊戲就真係做得好自然, 感覺到佢真係喊!

不過速水阿媽就描寫得誇張咗d, 講速水雖然去到東京已經一段日子, 但係事業方面仲未係太多人搵佢畫插畫, 佢阿媽見到以前速水d鄰居時, 就好熱情咁招呼人地黎食飯, 仲日日都係咁, 速水班鄰居冇乜錢架嘛, 咁咪大條道理去食飯囉! 搞到高峰時期起碼十幾人一齊黎食飯! 其實我懷疑人地都唔知有冇俾番錢俾速水阿媽, 因為速水搵錢唔多, 佢阿媽就以為個仔搵得好多囉!

同埋一路睇呢套戲, 覺得劇本寫速水阿媽有時都幾"癲得", 以為自己好玩得, 但係喺速水眼中就係老土 (其實我都覺得佢阿媽真係有d怪怪地, 可能劇本問題啦!) 加埋速水阿姨又以為速水去到東京就自以為好叻, 成日對住速水單單打打, 呢個阿姨真係痴線!

至於香椎, 我覺得佢自私咗d! 講佢一個人由北海道黎東京讀書做野, 本身屋企係開旅館, 但生意麻麻地, 香椎阿媽成日叫佢返去幫手! 之後同速水一齊 (其實都唔知算唔算一齊, 覺得佢地感情都幾淡, 感覺係速水鐘意佢多過佢鐘意速水!)

後來速水阿媽鐘意香椎做佢新抱, 於是將隻家傳戒指送俾香椎, 但當其時香椎已經決定返北海道, 但速水係完全唔知, 要平岡同佢講先知! 但香椎最後又收咗速水阿媽隻戒指喎, 之後約速水出黎, 一味問速水有冇諗過將來點, 速水話啱啱先習慣東京的生活, 加埋阿媽的cancer啱啱好番, 咁香椎就覺得有d失望! 其實我諗香椎係想速水跟佢返去北海道的, 咁最後香椎真係返咗鄉下!
至於速水阿媽的cancer, 由最初的喉嚨有cancer, 雖然曾經好番, 但因為擴散到胃部要做化療, 最後都係去世! 速水做陪阿媽去抗癌時的表情真係好交足戲, 真係一讚!

不過呢套劇的內容太沉重啦 (即速水阿媽有cancer果度), 睇一次都夠啦!