喺第2日行程 (9月13日) 下午, 有d自由時間喺大邱的酒店, 於是落大堂打電話番香港, 打完之後搭番升降機上房, 途中見到3個和尚, 初時不以為意, 大家入lift後, 果3個和尚企得我都幾埋下 (但當時部lift唔係太多人), 我已經好留意佢地...... (佢地去3樓, 我去5樓)
點知其中一個和尚見我望住佢, 佢仲眼光光望住我, 我心諗: 唔係想同我講野呀??? 點知......真係!!!
佢望住我手上條手晶鏈, 然後指住話: "阿加斯, xxxxxxx?"
其餘2個和尚都望住我, 我話: "I'm from Hong Kong!!!"
跟住望住我果個和尚個樣就唔同哂, 恍然大悟咁樣, (當時佢地已經到咗3樓), 另外2個和尚又係好似估唔到咁樣, 一路出lift, 一路話"xxxxxxxx", 咁就出咗lift啦......
當時我即刻講咗句: "痴線xxxxxxx"!!!
到第2朝落去酒店食早餐, 又見到一大班和尚喺度食早餐, 我當睇唔到佢地, 掂行掂過, 一攞完食物即刻行返埋位度 (好彩我地個位同佢地有段距離......)
一心仲諗住有obba或者東昇主動同我講野架嘛, 惹埋d和尚, 真係吖......
沒有留言:
張貼留言
注意：只有此網誌的成員可以留言。