Tears

權相佑之前喺韓國開咗間化粧品店叫Tears, 喺明洞黎嘅 (詳細地址唔記得啦, 因為雖然係舊年的事, 但當時都係人地帶我去)

未去過韓國之前, 好想去朝聖兼進貢架啦, 好彩舊年跟團時有時間去!!! 但可惜的係, 今年再去韓國的姊妹話, 權權間化粧品店冇做啦!!! 吓, 唔係呀??? 我仲諗住下次再去韓國時, 再去入貨架嘛!!!

幸好舊年去時影低咗間舖頭, 而家唯有望下d相懷緬下啦......

 

呢個蠟像, 係照住權權的身高比例去整架, 雖然好多人都話好假......(唔知而家間舖冇做, 咁個蠟像的下場係點呢???)

 

呢張poster, 當時sales見我影低就話送俾我, 我當時總共去咗2次, 買咗2次野, 雖然數量唔多, 但都過30000won, 所以poster都有2張!!! 而家1張痴喺大門後面, 另1張要儲啦~~~

 

 

頭1日就只係買咗權權的postcard, 原本想買碌眼精華,同埋保濕噴霧, 但頭1次去冇貨, 要第2次去先有咋! 仲有d sample啦, 化粧棉啦都送的, 紙袋都有2個, 呢d真係要keep住啦......

估唔到我舊年第1次去Tears, 亦係最後1次去Tears啦!!! 以後唯有去權權間Tea'us飲杯coffee算啦......