去到機場後, 有某D食店憑GD門票有85折優惠, 我又耐冇食韓國菜, 就去新羅寶食啦~~~
先黎6款前菜, 有辣有唔辣~
我今次叫咗個牛尾湯飯 (꼬리곰탕), 因為我唔食得辣, 呢個就啱哂我啦~~~ 佢仲會俾D鹽你去做調味 (因為呢個湯係冇咩味道), 不過我都覺得OK架~
食完後去博覽館啦~~~
志龍隻狗 - 家號的模型呢~~~
VIP親手做GD紙模型, 好多VIP都走去影相呀~~~
影完相, 7點零鐘就入定場先啦~~~
志龍又同VIP講廣東話, 又叫VIP跟佢講ho ho ho, 好好笑~~~
志龍唱咗好多歌, 當然"Crayon", "Heartbreaker", "She's gone", "瘋狂GO"都有啦, 仲有唱"Bad Boy"同"Fantastic Baby", VIP仲好合拍咁跟住一齊唱添!!!
特別嘉賓係Epik High, 初時我仲以為會係太陽或者係TOP添...... (因為之前GD的演唱會中, 太陽做過嘉賓架......) 所以當公佈係Epik High時, 真係冇諗過囉......
不過佢地都好識攪氣氛~~~
差唔多到10點左右, 志龍話唱完, VIP當然唔肯過佢啦, 不斷叫encore, encore......最後志龍都encore咗2次.......仲話叫VIP唔好忘記佢, 又話會再同BIGBANG黎香港喎~~~ (係咪真架? haha~~~)
最後大約10:20pm左右就真係唱完啦~~~
沒有留言:
張貼留言
注意：只有此網誌的成員可以留言。