野王

【劇名】：野王
【韓名】：야왕
【播送】：韓國SBS
【類型】：SBS月火
【首播】：2013年1月14日
【時間】：每周一二晚，北京時間20：55
【接檔】：電視劇的帝王
【編劇】：李熙明（屋塔房王世子、不良家族、明朗少女成功記）
【導演】：趙南國（追擊者）、趙英光（49日）
【主演】：權相佑、秀愛、鄭允浩、李德海、高俊熙、權賢相、高仁凡、金成鈴
【集數】：24集
【中文制作】：鳳凰天使韓劇社
【官網】：yawang.sbs.co.kr/
【劇情簡介】：描述殘酷擺脫貧窮的"欲望女"朱多海和爲她而犧牲一切的"純情男"崔江山"的故事作品。

人物介紹:

呢個故事講述權權同秀愛喺孤兒院長大, 大家青梅竹馬, 但其實權權有老豆, 又有孖生大佬; 而秀愛就有後父同異父異母的哥哥, 而後父就一路都想搞秀愛.

權權一心以為可以同秀愛平平淡淡過日子, 而秀愛就唔甘心過平凡的日子, 於是努力考上大學, 後來仲幫權權生個咗女, 但一路都冇註冊結婚; 點知秀愛錯手殺死後父, 權權唔想秀愛前途冇咗, 於是幫佢埋咗後父條屍.

但權權學歷有限, 又想供秀愛讀大學, 唯有跟孤兒院的朋友一齊去做鴨, 但就唔敢俾秀愛知道; 後來秀愛大學畢業, 權權三番四次想同佢結婚, 但都俾秀愛用各種理由去推斷, 因為秀愛入咗去允浩的公司, 想出人頭地; 但最後秀愛都係知道咗權權為咗供佢讀大學而去做鴨, 佢就同權權分手.

咁啱允浩之前唔覺意見到秀愛, 對佢產生興趣, 初初秀愛對允浩冇好感, 但後來知道佢原來係公司的繼承人, 就開始想接近允浩, 同時金成玲表面上係允浩的家姐, 實際上係允浩的媽媽, 但因為係私生子所以冇公開, 佢覺得秀愛接近允浩係有目的, 於是借d意炒咗秀愛.

秀愛當然唔忿氣, 咁啱允浩受傷要去美國治療, 咁秀愛就再呃權權要去美國讀書, 權權雖然唔想佢去, 但又唔想阻佢前途, 原本權權冇做鴨, 但因為秀愛就再去做鴨, 而秀愛去到美國就搵允浩, 但就一齊咗.

當秀愛返黎韓國後, 完全冇同權權聯絡, 係權權朋友喺酒店見到佢先知, 權權知道後去到酒店, 終於見到秀愛. 而權權個女病咗, 想見下秀愛, 權權走去搵秀愛, 但秀愛唔想見個女, 權權一怒之下帶秀愛返去以前幫佢埋佢後父條屍的現場, 點知百密一疏, 俾秀愛報警, 最後權權就坐監.

而權權喺監獄中識到一個人, 呢個人開頭對權權冇好感, 但後來知道權權的過去, 就開始幫權權. 佢叫權權想翻身, 想報仇就讀書, 結果權權讀法律系, 而且仲同呢個人去研究點樣對秀愛報仇. 幾年過去, 當權權準備出獄時, 發現個律師同自己一模一樣, 原來呢個律師就係自己的孖生大佬, 原來孖生大佬因為老豆所託要搵返細佬 (權權), 搵咗好耐, 終於大家喺監獄相見.

點知相認唔係好耐, 權權孖生大佬就俾秀愛的異父異母哥哥殺死, 因為秀愛驚權權出返黎對自己不利......權權後來知道咗, 覺得秀愛太恐怖, 於是將計就計, 扮作自己的孖生大佬, 加上自己又係讀法律系, 所以就算見到自己的親生老豆及大佬的女朋友, 都可以蒙混過去.

跟住權權就認識咗金成鈴, 開頭金成鈴都對權權有戒心, 後來都慢慢接受, 並且做集團的律師, 而且仲同允浩好老友, 所以當允浩帶秀愛見權權時, 秀愛好驚, 以為自己睇錯, 但就懷疑係唔係權權本人, 而權權因為用咗孖生大佬的身份, 而且扮到唔識秀愛, 並想暗中攞證據.

後來允浩同秀愛結婚, 權權夾埋獄中的兄弟及孤兒院的朋友, 用佢個女張相去整秀愛, 但可惜都係結得成婚, 而金成鈴開始依賴權權, 後來仲不知不覺鐘意咗權權. 而秀愛喺公司開始越做越起勁, 佢只想不斷向上爬, 而佢亦發現到權權的身份, 三番四次叫異父異母的哥哥去搵權權的真正身份, 可惜都冇證據. 後來個女話好想見秀愛, 點知就俾車撞死咗, 自此秀愛就更加冷血, 喺事業上同對權權亦開始心恨手辣; 而佢亦無意中知道允浩同金成鈴的母子關係; 而最後允浩知道咗同秀愛離婚, 不過"老爺" 李德華覺得佢幫到手, 於是繼續留低.

而秀愛發現到"老爺"的朋友準備選市長, 佢就開始想攀上老爺的朋友, 而呢個男人亦唔係善男信女, 秀愛話到明互相利用, 佢可以幫呢個男人由市長做到總統, 條件就係要做總統夫人.  呢個時候權權大佬的女朋友已經發現到呢個權權唔係佢大佬, 權權唯有坦白承認, 而權權大佬的女朋友, 就係秀愛的繼女 (即係總統個女), 但就同總統唔啱, 而權權同佢講秀愛的過去, 所以佢肯幫權權, 因為佢唔想老豆想俾秀愛利用.

而呢個時候, 亦起到權權孖生大佬條屍 (而後來秀愛的異父異母哥哥知道自己殺錯人), 因為唔想俾秀愛知道有孖生大佬的存在, 所以權權等人商量過後, 決定將自己的身份同孖生大佬調轉, 幫孖生大佬搞葬體.

雖然允浩同秀愛離咗婚, 但個心仍然鐘意秀愛, 可惜有次秀愛想約權權出黎, 假意俾自己的罪狀, 諗住一把火燒死權權, 點知允浩跟埋黎, 諗住勸秀愛回頭是岸, 但可惜個汽油彈準備爆的時候, 允浩將權權推開, 咁就死咗......

而前老爺李德華亦知道秀愛的野心, 可惜都係唔夠秀愛鬥......總統後來都發現到秀愛野心越黎越大, 於是任期一滿就唔再連任及同秀愛離婚; 而權權亦有足夠證據去告秀愛......可惜一次意外, 令到佢地兩個都受咗傷, 權權最後醒得返, 但秀愛就冇交代到究竟係生係死, 定係植物人......最後權權去返以前同秀愛一齊住的舊屋, 懷緬過去開心的日子......