清潭洞愛麗絲

【韓文劇名】청담동 앨리스
  
【中文譯名】清潭洞愛麗絲

【導演】趙秀元《吞噬太陽》


【編劇】金志雲 金志熙《大長今》《樹大根深》《善德女王》

【演員】文瑾瑩（文根英） 樸施厚 蘇怡賢 金基石 樸光賢 金宥利 申素毓

【首播】2012年12月1日【播出時間】 每周六、日北京時間21：00

【播送】韓國 SBS 電視台

【類型】周末劇

【接檔】《五根手指》

【集數】16集

【官網】http://alice.sbs.co.kr/

人物介紹:

【劇情簡介】


《清潭洞愛麗絲》是以清潭洞為背景講述一名平凡的女子爲了成爲清潭洞的兒媳婦而展開的一系列故事。積極向上的樂觀女孩韓世京辛苦通過應聘考試，進入一家服裝公司，但是未能當上設計師，卻成爲每天被社長夫人使喚的跑腿，過著十分委屈無奈的生活。某一天，她發現社長夫人竟然是高中時期實力不如自己的同學，這讓她開始回顧自己過往的人生。

呢套劇點解吸引我去睇呢? 因為個故事比較寫實, 其實現實中, 都有呢D故事發生, 當然有D係雙方都愛對方, 有D就靠另一半的關係 (例如對方的國籍, 或者金錢上的幫助) 而想得到自己一直好想要的野.

文根英就係因為想去法國留學但冇錢, 後來去設計公司想應徵設計師, 但可惜因為冇去留過學, 而要做阿四; 另外佢的男朋友 (南宮民客串) 因為屋企太窮的關係, 而被迫同文根英分手......咁啱文根英公司的社長夫人, 就係佢的死對頭同學蘇怡賢, 於是唯有走去搵蘇怡賢請教點樣入到去上流社會, 唔使再捱窮......於是蘇怡賢介紹金基石俾文根英, 金基石除咗係一名設計師, 暗中仲做"媒人公", 專介紹女仔俾有錢佬認識, 舖橋搭路......但文根英不值金基石所為......

而朴時厚因為蘇怡賢以前喺感情上傷害過佢, 加上同老豆不和的關係, 變得神神化化, 開頭文根英以為朴時厚係秘書, 相處耐咗就慢慢喜歡朴時厚; 此時文根英的朋友由朴時厚的秘書口中, 知道朴時厚係社長時就好驚訝......但當朴時厚向文根英坦白時, 文根英唯有扮唔知, 因為佢真係鐘意朴時厚, 唔係為錢先鐘意......

蘇怡賢的小姑好勢利, 只會揀有錢佬結婚, 而且睇唔起蘇怡賢; 於是金基石介紹朴時厚俾蘇怡賢的小姑, 諗住雙方生意上有合作機會, 但朴時厚係全不知情......

好景不常, 最後蘇怡賢的小姑知道文根英同朴時厚一齊, 於是派人跟蹤文根英, 結果俾佢發現到原來蘇怡賢以前和朴時厚的關係, 於是以此為藉口威脅蘇怡賢, 諗住踢爆文根英及希望朴時厚離開文根英......金基石知道後都不值小姑所為, 於是幫文根英隱瞞事實......但最後小姑將段片俾朴時厚睇, 而朴時厚初時諗住文根英唔再提起就算, 都諗住同文根英結婚......但文根英避唔開良心責備, 講咗成件事出黎 (即當初目的係為錢入上流社會), 令到朴時厚好傷心......但亦因為咁樣, 朴時厚老豆知道後, 唔再同蘇怡賢老公方面合作做生意......

最後蘇怡賢同老公離婚, 展開新生活; 金基石反思以前自己的所作所為, 從此冇再做媒人公, 專心做設計師; 而文根英同朴時厚亦喺埋一齊......