落咗機後, 我就走去GS25買EG sim card (呢個容後再講), 冇租wifi egg, 事後亦證明好用!!!
之後旅遊巴就載我地去仁川的月尾島 (월미도), 點解唔去酒店先呢? 因為普遍韓國的酒店check in時間係下午, 咁既然係咁, 就去咗D景點先啦~
朝頭早去到月尾島 (월미도), 其實真係冇咩睇......因為時間太早啦, 9點幾10點, D食店先啱啱開, 冇咩人, 有都只係아저씨 (大叔) 同아줌마 (阿豬媽), 又曬喎 (其實日日都咁曬), 求其影D相就算啦......
之後就上車去仁川中華街, 都係冇咩睇......
之後再去松月洞童話村 (송월동동화마을), 呢度係其中一個新景點, 喺韓劇"聞到味道的少女"中有取景的~
之後去咗食團餐, 係汁燒豬肉, 跟團就係咁架啦, 味道普普通通啦......
然後再去建國大學 (건국대학교) 附近的新商場Common Ground, 佢係由一個個貨櫃砌成的~ 裡面有好多啱後生仔女的衣服鞋襪, 飾物, cafe等等~ 不過好快就行完啦~
因為個團行程唔密, 所以我行完呢度, 就去咗附近的商街行下, 仲俾我買到innisfreee添~
之後就返酒店check in同休息, 係呀!!! 今日的跟團咁就完咗架啦, 係咪好鬆動呢? 所以我就把握時間, 同韓國朋友A先生見面啦~
今次住的酒店其實唔近明洞, 連去東大門睇衫, 都要搭幾個站地鐵先去到, 幸好唔使轉線, 不過我都download咗seoul metro app, 所以今次搭咁多次地鐵都OK~
酒店名: Golden City Hotel (골든씨티호텔동대문), 喺5號線長漢坪站附近 (장한평역)
之後我約A先生喺酒店樓下見面, 佢揸車黎接我, 話想帶我去睇漢江, 之後就揸車去首爾林 (서울숲) 附近啦~
落咗車之後, 兜咗去個喺首爾林附近的公園 (上圖), 後來A先生要問人點行去漢江, 但韓國D公園實在太大, 大到連佢都唔識點行, 周圍問人點行去漢江, 後來A先生話唔好意思, 因為佢都好耐冇黎呢度......後來行到天黑, 佢亦唔再搵落去......因為真係搵唔到......我當然失望啦, 但話哂係第一次見面, 亦費事黑面啦......
之後佢車返我去酒店附食炸雞, 我地叫咗個"半半炸雞"
食完之後, 佢車我返酒店休息, 咁第一日就係咁過啦~
同房的女團友係媽媽級的, 佢係一家五口去旅行, 其實係佢同仔女, 佢個妹, 同佢個仔的朋友, 之後果5日大家都OK, 冇任何不愉快事件喔~
沒有留言:
張貼留言
注意：只有此網誌的成員可以留言。