咁啱因為幾個月前韓國有"新沙士", 搞到好多人都唔敢去......點知到7月尾果時, 香港D旅行社話開始攪返韓國團, 咁我緊係心思思啦~ 點知真係有平團喎!!! 比起平時D團起碼平成千蚊!!! 搞到我心郁郁...加上我之前未去過仁川 (其實我只係去過首爾, 少少釜山, 大邱) 所以就一個人去報康X旅行團啦~
係...今次係我一個人報團, 亦係我第一次一個人去旅行, 因為3年前的不快事件, 所以今次我寧願一個人去, 就算同個唔識的女團友同房都好, 起碼唔使再受有錢人氣......而事實證明, 今次雖然玩得好攰, 但亦起碼唔使受人氣, 而咁啱呢個團的行程唔密, 所以我可以同韓國朋友見面, 變咗係一半跟團, 一半自由行, 真係好正!!!
今次係玩足5日, 搭濟州航空, 來回都係夜機~~~
好多人都話搭濟州D位會好窄, 但我覺得OK啦, 因為我平時搭巴士會頂到膝頭, 但搭濟州航空反而又冇喎, 只係要俾錢買飛機餐食, 我當然冇食啦, 但佢會免費派水囉, 只係搭凌晨機就好難瞓到囉~~~
最攪笑的係, 原來今團有好多公公婆婆一齊去玩, 但又當然唔係得我一個係後生啦, 但多數都係母女或母子或夫婦, 只得我同一個74歲的阿伯係一個人去, 呢個阿伯亦有故仔發生喺佢身上, 之後再講......
沒有留言:
張貼留言
注意：只有此網誌的成員可以留言。