喺梨大地鐵站見到BIGBANG~~~
點知, 一出梨大之後, 竟然落雨, 好在我地各自都有帶遮, 原本都唔想擔遮, 雖然D雨唔係好大, 但係唔擔遮唔得......原本想去梨大影下相, 行下街, 當時我地想過馬路向前行, 但朋友一見到落雨就已經唔想行......
咁冇計啦, 佢唔想行我都冇法, 但當時做完一個好有運動量的"行山"後, 咁啱我喺馬路邊見到有個易拉架, 係一間cafe食窩夫嘅 (當時已經差唔多2pm), 我話不如食D野, 順使避下雨, 咁朋友都話好, 咁就上樓梯去呢間cafe, 叫做7 gram cafe.
可能係平日啦, 都唔係好多人, 地方都OK啦, 唔錯! 朋友本身唔飲咖啡, 問個女仔有冇綠茶或紅茶飲, 點知個女仔話本身呢度冇茶飲, 只可以叫咖啡, 朱古力等. 咁朋友冇辦法下叫咗咖啡, 佢叫咗下圖呢個set (窩夫, 有果仁及香蕉) 但朋友一啖咖啡都冇飲到, 反而飲水 (呢度有個自助counter, 有一大jar水任人飲, 朋友就飲佢果度D水), 但後來我地走時, 果個女仔見杯咖啡冇郁過, 個樣有D唔係幾鐘意囉......(但朋友冇留意, 因為佢行先, 我行後)
我就叫咗上圖呢set (麵包+雪糕), 飲mocha. 2個set都好好味哦~~~
後來我地先發現, 呢間cafe得一個女仔做野咋!!! 即係: 沖咖啡, 整野食, 執枱, 洗碗都係佢一個人做哂!!! 後來有D人上黎幫襯都要等, 因為個女仔去咗洗手間!
我話個女仔好犀利, 不過就辛苦佢啦......但朋友認為咁樣先好, 可以慳番D人手! 不過我就唔係咁睇囉, 如果平日就話啫, 假期實會多人幫襯架嘛, 咁佢咪做到踢哂腳囉??? 而且果日雖然係中午, 但我見到個女仔都冇乜笑容, 希望只係果日得佢一個, 唔係日日都係咁啦......
食完後, 都係落緊雨......冇計啦, 即刻搭地鐵返酒店......(即係話, 梨花女子大學, 同隻高跟鞋地標我冇去過呀......希望下次有機會再去梨大啦......)
去到明洞後, D雨細番D, 但都要擔遮......我地行咗明洞, 我話要去FUBU影相 (因為係TOP做代言人嘛~~~)
(睇上圖就知, D人攞哂遮架......) 不過我地冇入去買野, 因為唔知有冇女裝, 而且感覺唔平......
又係......冇停過雨......不過D廚師同侍應都好好人, 幫我地D遮入膠袋.
呢度只係食牛肉, blog友話係韓牛黎嘅, 不過價錢相宜, 只有3款食物.
上圖係朋友叫的排骨湯, 9000 won (即menu中間果款), 但佢話唔好食 (但冇講點樣唔好食, 我有問佢, 但佢冇答我......)
係咁問我: 你喺網上搵架? 我話係呀, 佢話: 都唔好食嘅, 有時網上介紹嘅野, 唔好盡信呀.....我話: 都係試下啫, 下次咪唔黎食囉......佢話: 係呀, 真係唔好再黎食呀......
我就叫咗上圖的"湯+米飯", 8000 won (即menu下圖果款)! 咪睇呢張相呀, 其實親眼見時係好紅架!!! 不過叫錯咗, 因為我見menu張相咁紅, 已經問waiter辣唔辣, 佢話唔辣 (問都多餘, 喺佢地心目中根本就唔辣), 結果一食落去......好辣!!! 食咗半碗, 結果要放棄啦......食唔哂.......
下次要試下menu中間果個, 睇下係朋友口味問題吖, 定係真係咁難食!!!
冇法啦, 朋友係有錢人, 食好著好, 當然就睇唔起呢D野啦.......
哈哈，下次叫佢地俾碗無味既，應該唔辣㗎喇。
回覆刪除hahaha......係呢, 你食過呢間未呀?
刪除