咁我膽粗粗, 同朋友行捷徑, 行咗一陣, 再兜番出去, 就見到仁寺洞啦~~~
其實朋友已經感冒啦, 佢出發前去藥局買咗藥水, 藥粉同口罩 (個口罩係布造), 其實佢每次去旅行, 都會帶龍角散, 但今次佢冇帶到, 唯有食韓國藥物; 至於我都食定自己帶的藥打定底......
其實朋友已經感冒啦, 佢出發前去藥局買咗藥水, 藥粉同口罩 (個口罩係布造), 其實佢每次去旅行, 都會帶龍角散, 但今次佢冇帶到, 唯有食韓國藥物; 至於我都食定自己帶的藥打定底......
我地先去starbucks, 唔係飲咖啡, 而係當時太早, D舖頭啱啱先開門冇耐, 加上朋友病緊想坐下......
上圖係南怡島首爾中心 (喺2樓), 地下係賣民族飾物, 例如: 散紙包, 磁石公仔, 紫菜, 手工藝品等等. 我上次去韓國時, 2樓果度有好多韓流明星的非官方週邊賣, 例如: 月曆, A4 file套, 鎖匙扣等等. 但去到2樓時, 裡面黑麻麻, 後來有個女仔出黎問我地有咩事, 我地問佢仲有冇紀念品賣, 佢話冇再賣啦, 呢度只係處理遊客去南怡島的專車而已......
咁冇法啦, 唯有去樓下睇下D飾物啦, 最後俾我搵到媽媽想要的散紙包, 5個一pack 13000 won.
之後我地沿住條街行, 其實仲有其他舖頭, 有D就飲茶的舖頭, 有D係賣民族物品, 呢D舖頭賣的散紙包係逐個賣, 2000 won一個!!! 激死我, 買5個都係10000 won咋!!! 而且喺南怡島首爾中心賣的散紙包, 都唔夠街邊舖頭的靚, 所以我都買多1個俾媽媽.
至於"人人"商場, 我地就冇行啦, 來回行咗一次, 又返酒店抖下.......
抖到咗上下, 我地就去東大門行下, Doota, 美利來 (Milliore), Hellp apM, Good Morning City等, 不過朋友感冒的關係, 每個場行咗2, 3層就走啦......冇買到野, 而果個時間亦唔係好多人行, 要入夜先多人行......而朋友就係東大門的Tony Moly買佢的太太朋友要的foot cream一枝!!!
咁冇法啦, 唯有去樓下睇下D飾物啦, 最後俾我搵到媽媽想要的散紙包, 5個一pack 13000 won.
之後我地沿住條街行, 其實仲有其他舖頭, 有D就飲茶的舖頭, 有D係賣民族物品, 呢D舖頭賣的散紙包係逐個賣, 2000 won一個!!! 激死我, 買5個都係10000 won咋!!! 而且喺南怡島首爾中心賣的散紙包, 都唔夠街邊舖頭的靚, 所以我都買多1個俾媽媽.
至於"人人"商場, 我地就冇行啦, 來回行咗一次, 又返酒店抖下.......
抖到咗上下, 我地就去東大門行下, Doota, 美利來 (Milliore), Hellp apM, Good Morning City等, 不過朋友感冒的關係, 每個場行咗2, 3層就走啦......冇買到野, 而果個時間亦唔係好多人行, 要入夜先多人行......而朋友就係東大門的Tony Moly買佢的太太朋友要的foot cream一枝!!!
上圖的兵哥, 係我地行完Good Morning City見到, 有2個人, 佢地又係行完呢個場後就行出黎! 呢張相係zoom近咗黎影架, 但咁啱得咁橋, 呢個兵哥望過黎, 我諗佢睇唔到我影佢掛 (因為我同佢地係有段距離架......)
行到咁上下都肚餓, 但朋友唔想食food court, 咁大家誤打誤撞之下, 見到有間食拌飯 (Bibimbap - 비빔밥), 牛骨湯, 同埋紫菜包飯 (김밥) 等的食肆, 而且價錢唔係貴, 5, 6000 won度, 啱我地的budget, 於是就去食啦! 佢呢間係喺地牢的, 即係行樓梯落去, 食食下都見到日本人去食.
行到咁上下都肚餓, 但朋友唔想食food court, 咁大家誤打誤撞之下, 見到有間食拌飯 (Bibimbap - 비빔밥), 牛骨湯, 同埋紫菜包飯 (김밥) 等的食肆, 而且價錢唔係貴, 5, 6000 won度, 啱我地的budget, 於是就去食啦! 佢呢間係喺地牢的, 即係行樓梯落去, 食食下都見到日本人去食.
我地點菜時, 阿豬媽知我地係遊客, 俾份中文menu我地, 咁我朋友叫咗個牛骨湯 (佢話睇下好唔好食, 係咪好似之前喺"長壽本家"果度咁難食, 不過我冇影相), 另外我叫咗個拌飯同紫菜包飯, 包飯都有幾種餡料, 我問朋友食唔食包飯, 朋友話: 我唔食紫菜架!!!
哦, 咁唔怪得我幫上司喺明洞樂天超市買紫菜時, 朋友俾說話我聽啦, 佢話: 係你咋, 係我就真係唔會幫人買紫菜呀, 雖然係輕啫, 但係大包吖嘛, 邊個叫我買, 我都唔會買呀!!!
咁你想我點先??? 係咪要我退番貨俾樂天先?! 我咪話: 我唔係買俾自己個喎, 我係買俾上司架!!! 佢再話: 咁都係吖, 係我就唔會買呀, 嫌未拎過呀......(下刪幾十字)
我心諗: 哦......咁唔怪得啦, 原來佢暗示話我唔幫佢拎膏貼 (即係將我個喼預留半個, 預佢擺6盒大大盒的膏貼), 反而幫上司買紫菜囉!!! 又唔係叫你拎, 都已經咁多野講, 嘩, 如果叫你拎, 你咪唱通街??? (大家想知我買的紫菜有幾大包, 請看之前寫的33.8kg, 內有紫菜相)
言歸正傳, 上圖係我叫的拌飯, 大約6000 won度, 不過麻麻地好味......
我叫的紫菜包飯, 大約5000 won啦 (唔係好記得), 我叫咗原味, 裡面有酸瓜, 蛋, 火腿, 菜, 紅蘿蔔等等, 既然朋友唔鐘意食紫菜, 咁我咪獨食囉!!! 我覺得包飯仲好味過拌飯呀, 後來索性唔食拌飯食包飯啦!!! 呢度D紫菜包飯係阿豬媽親手包架, 我地食時, 都見到阿豬媽包緊! 至於朋友的牛骨湯, 佢話好味過明洞的"長壽本家"喎......
之後我地返酒店, 朋友食咗藥後要瞓一陣. 咁我就睇下電視囉......
後來食晚飯, 我地都唔行咁遠, 就去樂天超市入面的food court搵野食, 佢裡面有一part叫premium food court, 我地就搵到一間食意粉及西式食物的. 我去叫野食時, 阿豬媽可能唔識英文啦, 佢喺廚房叫個東昇出黎, 個東昇都好好人, 我用韓文講"二哥, 二哥" (即係"呢個"咁解), 佢就用紙抄低菜名, 然後叫我拎去收銀處俾錢!
食完飯後, 朋友返酒店食藥休息, 咁我就自己一個去樂天的star avenue影下相, 不過實在太凍啦, 所以有d相我係第2日去影:
我原本想去埋蠶室樂天star avenue影相嘅, 不過朋友嫌遠喎, 咁唯有唔去啦......
沒有留言:
張貼留言
注意：只有此網誌的成員可以留言。