終於我地喺條巷仔發現到佢的門口啦!!!
佢係喺地牢黎嘅, 行落樓梯時見到有間桌球室, 再落多一層樓梯先係Trick Eye Museum. (間桌球室都早開門喎, 11am已經有人打緊桌球~~~)
裡面真係好搞鬼, 我地影咗好多相, 不過擺唔哂出黎......有D係2個人一齊做動作, 工作人員見到的話都會幫你影相......
呢張枱呢2面係鏡黎架, 中間有個洞, 你可以喺裡面捐個頭出黎影相!
當日見都有香港人黎玩~~~
原來金秀賢 (Dream High的"宋三東", "擁日之月"的男主角), 都有黎過呢度喎~~~
我地都玩咗成個鐘頭有多, 於是就去附近的"烈鳳"蒸雞食野! 呢間舖頭係由Se7en所開, 佢將韓國名菜"安東蒸雞"黎做一間專門店, 而家已經開咗10間分店, 除咗弘大之外, 江南, 惠化, 梨大等地都有分店!
由Trick Eye Museum行去"烈鳳", 都要大約行15分鐘左右! 沿途見到好多賣衫的舖頭, 電話舖等等~~~上圖果張相的banner, 係7哥宣傳自己隻新碟!
一去到已經有好多人排隊, 有唔少仲係好似我地咁慕名而來的人添!!! 不過雖然係咁, 我地都唔使等好耐就有位!!! 呢間分店2樓同3樓都係佢, 不過當日佢只係開放咗2樓, 好多人都影掛喺樓梯的相:
志龍手上的係桃味乳酪, 之前爬文話可以解辣!!! 當日見到個雪櫃都有, 不過朋友寧願飲可樂, 所以冇試到啦......
其實我好怕雞, 生勾勾的雞, 雞公仔, 雞頭我係勁唔鐘意!!! 但我會食雞, 只要唔好俾我見到個頭就得 (係咪好矛盾?!) 而且呢度D雞係辣架, 我又唔食得辣!!! 但冇計啦, 鬼叫Se7en係BIGBANG師兄咩, 我唯有頂硬上啦!!! (朋友就食到辣, 但大辣都唔得!)
上圖的雪櫃下格會見到一盒盒的桃味乳酪.
果度D侍應多數係後生仔女, 都幾靚仔靚女架! 而且服務態度OK!!!
不過serve我地果個係阿豬媽黎, 佢俾上圖的menu我地睇, 但睇黎睇去, 都冇我地想叫的雞 (因為佢有得揀辣度, 但呢份menu冇......) 後來我問阿豬媽份menu好似怪怪地咁??? 佢唔多明我講乜 (我用英文問), 後來另一個阿豬媽黎到, 俾過另一份完整的menu我地!!! (原來呢份中間係甩鬼咗......)
佢有英文menu, 原來佢有4種辣度選擇, 我地揀咗個"totally almost no chili" (類似咁上下的英文啦), 隻雞仔同上圖一樣, 身體係白色嘅, 即係唔辣; 而最辣的雞仔, 身體係黑色架!!! 證明係好辣好辣!!!
(我本來想影低完整的menu, 但我地叫完後, 個阿豬媽一手搶咗俾第2枱客......)
我地隔離2枱都係女生, 2枱都係台灣人!
黎到啦! 我地叫咗個小的辣雞, 18000 won (阿豬媽都話2個人叫個小的就OK) 睇下, 都有辣椒喺度呀!!! 我即刻夾起D辣椒!!! 除咗雞同粉條之外, 仲有大大塊薯仔, 洋蔥, 同埋菜!
食完出黎, 門口有menu, 下圖就係我地食的雞......
呢款有蛋的係另一款, 不過唔知有咩唔同......
其實Hello Kitty Cafe, Trick Eye Museum同埋"烈鳳"都係喺弘大, 而且都算喺附近, 當然3個地方都有距離, 要行一段路啦......
沒有留言:
張貼留言
注意：只有此網誌的成員可以留言。